Irakasleak » Erasmus

Goi-mailako hezkuntzako erakundeek egiten dituzten jarduera europarrak babesteko diseinaturiko neurri-sorta zabala hartzen du barne ERAMUSek. Bere helburua bertan parte hartzen duten ikasleen eta irakasleen mugikortasuna eta euren arteko trukeak sustatzea da, Europako herritartasunaren kontzientzia indartzeko.

Erasmus irakaskuntza-mugikortasuna

Erasmus programak badu beste helburu bat ere: irakasleen mugikortasuna irakasleei emandako mugikortasun-beken bidez bultzatzea; horrela, irakasleok eskola elkartu batean denbora-tarte laburra eman eta unibertsitate anfitrioian erabat integraturiko irakaskuntza-zereginak egiten dituzte. Irakaskuntza-destino hauek astebetekoak izaten dira, edo zortzi eskola-ordukoak gutxienez, baina batzuek seihileko oso bat irauten dute. Kasu gehienetan, harreman pertsonala dakarten trukeak izaten dira, eskola magistralen kasuan baino harreman pertsonal askoz ere estuagoa dakartenak, alegia.

Atzerriko irakaskuntza-destinoak unibertsitate anfitrioiko beste irakasleak eta beste irakaskuntza eta ikaskuntza moduak ezagutzeko aukera ematen die irakasleei; azken batean, unibertsitate-sistema desberdina ezagutzeko aukera ematen die. Erasmus egonaldian irakasleek izaten dituzten harremanen bidez, irakasleek informazio hobea lortzen dute, eta honela, euren ikasleei kanpoan ikasteko aukerari buruz eta euren mugikortasuna antolatzeko informazio aberatsagoa ematen diete. Era berean, atzerrian egindako egonaldiek zeuzkaten harremanak sendotzeko eta lankidetzarako zein proiektuak egiteko aukera berriak ematen dizkiete.

Irakaslearen papera funtsezkoa da ikasleen mugikortasuna bultzatzeko eta bere unibertsitatean Europako dimentsioa eta nazioarteko bizitza sortzeko eta indartzeko.

Informazio gehiago hemen eskura dezakezu:

Unión Europea

MEC

Idaz ezazu Begoña Alonso-ri, erasmus@musikene.net

Lasai bidali Begoña Alonso, erasmus@musikene.com, Europako goi mailako beste musika-irakaskuntzako ikastegiekiko lankidetzarako iradokizunak.