Ikasleak » Erasmus

Goi-mailako hezkuntzako erakundeek egiten dituzten jarduera europarrak babesteko diseinaturiko neurri-sorta zabala hartzen du barne ERAMUSek. Bere helburua bertan parte hartzen duten ikasleen eta irakasleen mugikortasuna eta euren arteko trukeak sustatzea da, Europako herritartasunaren kontzientzia indartzeko.

Erasmus programaren ikasleen mugikortasuna:
«ikasleak Europara hurbildu eta Europa ikasleengana»

Erasmus programaren bidez, goi-mailako hezkuntzako ikasleek ikasketa-denboraldi bat (3 hilabetetik 12ra bitartekoa) igaro ahal izango dute unibertsitateen arteko akordioetako partaide den beste herrialde batean. (elkartutako eskolen zerrenda)

Erasmus lankidetzaren akordioen onura handienak ikasketen balioespena eta helmuga den herrialdeko ikasketa-tasak ez ordaintzea dira. Horrek esan nahi du SÓCRATES/ERASMUS ikasketa-denboraldia jatorrizko unibertsitatearen ikasketa-planen zati denez, egindako ikasgai guztiek erabateko baliozkotzea izango dutela. Horretaz gain, Erasmuseko ikasleek beka bat jaso dezakete beste herrialde batean egoteak eragiten dituen mugikortasun-gastuak ordaintzen laguntzeko, hala nola, bidaia-gastuak, hizkuntza ikasteko prestakuntza, eta bizitza-kostuaren aldeak.

Ikuspegi akademiko eta sozialetik ez ezik etorkizuneko bizitza profesionalari begira ere Erasmusen esperientzia oso aberasgarria da. Beste hizkuntza bat ikasteaz gain, pentsatzeko, irakasteko eta ikasketaz jabetzeko beste era bat ezagutzen lagunduko die ikasleei Erasmusek, eta horrek guztiak pertsonaren prestakuntza osoari lagunduko dio. Musikari dagokionez, gainera, Erasmuseko egonaldi batek beste errepertorio batzuk ezagutzea ahalbidetuko die.

Elkartutako edozein herrialdetako goi-mailako hezkuntzako ikasle orok parte har dezake Erasmus programan, lehenengo ikasturtean matrikulatuta daudenak salbu.

Honako helbide hauetan aurki dezakezu informazio erabilgarri gehiago:

Unión Europea

MEC

Begoña Alonso andereñori ere idatz diezaiokezu, erasmus@musikene.net helbidera.